Հարցազրույց
Անշարժ գույքի շուկան Հայաստանում․ ներդրումային հեռանկարներ
Անշարժ գույք ձեռք բերելը մեծ ներդրում է, որը պահանջում է մանրակրկիտ ուսումնասիրություն շուկայում։ Հաջող գործարքների համար կարևոր է հասկանալ շուկայական պահանջարկը, ընտրել ճիշտ և հարմար վայր։ Մեզ հետ զրույցում անշարժ գույքի գործակալ Գևորգ Սադաղյանը կիսվեց իր խորհուրդներով, որոնք կօգնեն գնորդներին խուսափել հաճախ հանդիպող սխալներից, ճիշտ որոշում կայացնել և առավելագույնս շահավետ պայմաններով անշարժ գույք ձեռք բերել:
- Ինգա Թամրազյան
-Ինչի՞ն է պետք ուշադրություն դարձնել անշարժ գույք ձեռք բերելիս:
-Կոնկրետ, եթե օրինակը բերենք, բնակարանների դեպքում կախված` ինչ շենքում եք գնում, ինչ հնություն ունի տվյալ շենքը, նորակառույց շենք է, թե ոչ, ինչ տեղադիրք ունի, ով է կառուցապատողը: Եթե գույքը գնում եք ձեր իսկ բնակվելու համար, ապա պետք է ուշադրություն դարձնել նախագծին, օրինակ, չունենա շատ մեծ միջանցք, ինչը կարող է ավելորդ տեղ զբաղեցնել, իսկ եթե գույքը գնում եք պարզապես շահույթ ստանալու համար, ապա ուշադրություն պիտի դարձնեք նրան, որ լինի քաղաքի կենտրոնին մոտ, որովհետև կենտրոնական հատվածները միշտ ամենամեծ պահանջարկն ունեն:
-Որո՞նք են ամենապահանջված գույքի տեսակները շուկայում՝ բնակարաններ, առանձնատներ, թե՞ կոմերցիոն տարածքներ:
-Դե իհարկե բնակարաններ, հետո հաջորդում են առանձնատները, դրանից հետո նոր հողատարածքները: Կոմերցիոն տարածքները հիմնականում ծառայում են բիզնեսի համար, բոլորիս հայտնի է, որ հատկապես նոր սկսող բիզնեսի համար հիմնականում տարածքները վարձակալում են, ոչ թե գնում, եթե վաճառքի տեսանկյունից նայենք՝ առաջնային միշտ բնակարաններն են պահանջված:
Գևորգ Սադաղյանի լուսանկարը՝ նրա ֆեյսբուքյան էջից
-Ի՞նչ սխալներ են հաճախ անում գնորդները կամ վաճառողները անշարժ գույք գնելիս կամ վաճառելիս:
-Անշարժ գույք ձեռք բերելիս, հիմնականում վաճառողները մտածում են դիմել բոլոր հնարավոր կազմակերպություններին, որպեսզի բոլորը իմանան ու մաքսիմալ արագ վաճառվի գույքը: Դա սխալ է, պետք է զրոյից մինչև վերջ գույքի վաճառքով զբաղվի մեկ գործակալ և լավ տիրապետի մանրամասներին․ Հիմնականում սեփականատերերն են այդ սխալներն անում:
Գնորդների մասով` կան գնորդներ, որոնք ընդհանրապես չեն հասկանում անշարժ գույքի շուկայից, իրենց ուղղակի պետք է գնել գույք`եկամուտ ստանալու նպատակով: Այդ ժամանակ գործակալը առաջարկում է մաքսիմալ շահավետ պայմաններ, այսինքն գույք, որը այս պահին կարող է ակտիվ եկամուտ չբերել, բայց հետագայում վերավաճառելու դեպքում գույքը ունի այնպիսի լոկացիա, որի արժեքը կարող է 20-30% -ով ավելանալ: Գործակալը ընդամենը հանդիսանում է միջնորդ, արդեն գնորդը կամ սեփականատերն է որոշում լսել գործակալի խորհուրդները, թե ոչ:
Գնորդների մասով` կան գնորդներ, որոնք ընդհանրապես չեն հասկանում անշարժ գույքի շուկայից, իրենց ուղղակի պետք է գնել գույք`եկամուտ ստանալու նպատակով: Այդ ժամանակ գործակալը առաջարկում է մաքսիմալ շահավետ պայմաններ, այսինքն գույք, որը այս պահին կարող է ակտիվ եկամուտ չբերել, բայց հետագայում վերավաճառելու դեպքում գույքը ունի այնպիսի լոկացիա, որի արժեքը կարող է 20-30% -ով ավելանալ: Գործակալը ընդամենը հանդիսանում է միջնորդ, արդեն գնորդը կամ սեփականատերն է որոշում լսել գործակալի խորհուրդները, թե ոչ:
-Ինչպիսի՞ն են Հայաստանում անշարժ գույքի ներդրումային հեռանկարները այս պահին:
-Եթե հարցին նայենք, որպես գույք գնելու կամ չգնելու մասով Հայաստանում կամ հենց Երևանում, կոնկրետ հարցին չեմ կարող պատասխանել, բայց ես չեմ ճանաչում գեթ մեկ հոգի, որ Երևանում գնել է գույք, կապ չունի մեկ ամիս առաջ, թե մեկ տարի առաջ ու վաճառել է այդ գույքը ավելի ցածր գնով: Խոսքը նրա մասին չէ, երբ գույքը պիտի շատ արագ վաճառվի և ստիպված սեփականատերը շուկայականից ավելի մատչելի է վաճառում: Հիմնականում, ովքեր գնում են գույք, շահում են, քանի որ գները միմիայն բարձրանում են, հատկապես Կենտրոն վարչական շրջանում: Այո, արժե գնել անշարժ գույք, արժե գնել ցանկացած մետր, և կախված, թե ինչ նպատակով եք գնում, եթե ուզում եք վարձակալությամբ լավ եկամուտ ստանալ, ցանկալի է գնել նորակառույց շենքում և անպայման Փոքր կենտրոնում:
-Ի՞նչ իրավաբանական խնդիրներկարող ենառաջանալ գույքիվաճառքի կամ վարձակալության ժամանակ, և ինչպես են դրանք լուծվում:
-Կարող է առաջանալ այն դեպքում, երբ գույքի սեփականտեր է հանդիսանում 5 հոգի, օրինակ, մեկը հնարավոր է լինի անչափահաս, դա որոշակի խնդիրներ է առաջացնում վաճառքի դեպքում, հնարավոր է , որ մահացած լինի սեփականատերը և վկայականը թարմացված չլինի, կամ սեփականատերերից մեկը բանտարկված լինի, պիտի թույլտվություն տա:
-Ի՞նչ խոհուրդ կտաք մարդկանց, որոնք առաջին անգամ ուզում են անշարժ գույք գնել կամ վաճառել:
-Միանշանակ սեփականատերերին խորհուրդ կտամ դիմել անհատ գործակալի կամ գործակալության, որը կոնկրետ կզբաղվի գույքի վաճառքով, գնորդներին ևս խորհուրդ կտամ դիմել փորձառու գործակալի, որը շատ լավ տիրապետում է շուկային, գիտի՝ որտեղ, ինչ շենքեր կան և կարող է ճիշտ խորհուրդ տալ, քանի որ անշարժ գույքը ընդհանրապես էժան չէ, և մարդիկ պետք է վճարեն մեծ գումար, ինչը պետք է արդարանա: Այս ամենը կախված է միայն գործակալի խոսքից ու ճիշտ խորհրդատվությունից, մանավանդ, եթե առաջին անգամ են գնում կամ վաճառում: