Կրթաթոշակ տրամադրելուց զատ, ՔՈԱՖ-ը հնարավորություն է տալիս մասնակիցներին զարգացնել աշխատունակության տարբեր հմտություններ դասընթացների, մենթորության, կամավորության միջոցով, նպաստում է նրանց անձնային աճին, աջակցում կարիերայի զարգացման հարցում և օգնում ուսանողներին աշխատաշուկայում դառնալ ավելի մրցունակ։ Ծրագրի ընթացքում յուրաքանչյուր կրթաթոշակառու, օգտագործելով իր հմտություններն ու կարողությունները, մշակում և իր համայնքում իրականացնում է զարգացման որևէ ծրագիր, հնարավորություն ունենալով վեր հանել համայնքի խնդիրները և ինքնուրույն լուծում տալ դրանց,«Հերթը քոնն է» (“Pay it forward”) սկզբունքով։

ՔՈԱՖ-ն օգնում է այս երիտասարդներին երազել իրենց միջավայրի սահմանափակումներից դուրս և փոխել ինչպես իրենց, այնպես էլ շրջապատողների կյանքը:
Միայն 2023 թվականին 193 համայնքային ծրագիր է իրականացվել։ Սա ոչ միայն օգնում է իրական խնդիրներին լուծում տալ, այլ նաև հնարավորւթյուն է տալիս ուսանողներին դառնալ փոփոխություն իրականացնող իրենց համայնքներում։

Մյուս պատմությունը Մելանյայի և Գևորգի մասին է: Նրանք Արմավիրի մարզի Քարակերտ գյուղից են՝ ապագա իրավաբան և տնտեսագետ: Մելանյան պատմում է, որ համայնքային ծրագրի գաղափարը շատ պատահական է ծագել: Մի անգամ համագյուղացի դպրոցականներից մեկից լսել է «հա,դե էս գյուղում ինչ կա, պրծնենք գնանք քաղաք`կյանք տեսնենք» արտահայտությունը և դրանից հետո չեն կարողացել հանգիստ նստել:
«Երբ դեռ դպրոցական էինք, մեր ավագ ընկերները իրենց քայլերով մեզ ցույց էին տվել, որ համայնքում կյանք կա, պարզապես այդ կյանքը մեր ձեռքում է, և մենք պետք է զարգացնենք այն: Այդ խոսքերը լսելուց հետո հասկացա, որ հիմա ես եմ այն ավագ ընկերը, որը պետք է նույն միտքը փոխանցի հաջորդ սերունդներին»,- ասում է Մելանյա Պողոսյանը:
Ծրագիրը սկսել են կամավորության մասին դասընթացների անցկացմամբ, հետո գյուղի կիսաքանդված խաղահրապարակն են վերանորոգել Քարակերտի համայնքապետարանի և իրենց հիմնած կամավորական միության անդամների աջակցությամբ:

Համայնքային ծրագիրը ՔՈԱՖ-ի տարեկան ամփոփման ժամանակ «Ամենաստեղծարար»-ն է ճանաչվել: Պատմում են` երբ ամեն ինչ նոր էին սկսել,իրենց ընդամենը 10 աշակերտ էր միացել, բայց չեն հուսահատվել ու նույն եռանդով շարունակել են իրենց աշխատանքը:
«Ամեն իրականացվող ծրագրի հետ հետաքրքրությունը մեր գործի հանդեպ մեծանում էր, և շուտով մեր կազմը համալրում էին ոչ միայն դպրոցականներ, այլև տարբեր տարիքի և տարբեր մասնագիտությունների տեր անձինք»,- ասում է Գևորգ Հովսեփյանը:
«Մեր աշխատանքները շարունակական են, և շատ ավելին դեռ առջևում է: Կարևորը հավատն է ու հույսը, որ ամեն ինչ կստացվի, չպետք է դժվարություններից, անհաջողություններից ընկրկել»,- ժպիտով և իրար լրացնելով ավելացրին նրանք:
ՔՈԱՖ-ն օգնում է այս երիտասարդներին երազել իրենց միջավայրի սահմանափակումներից դուրս և փոխել ինչպես իրենց, այնպես էլ շրջապատողների կյանքը:

ՔՈԱՖ-ն օգնում է այս երիտասարդներին երազել իրենց միջավայրի սահմանափակումներից դուրս և փոխել ինչպես իրենց, այնպես էլ շրջապատողների կյանքը:
Նման նախաձեռնությունների միջոցով Հայաստանի գյուղական շրջանների ավելի շատ երիտասարդներ ոչ միայն կհաղթահարեն խոչընդոտները, այլև կդառնան առաջնորդներ և փոփոխություններ իրականացնողներ՝ օգնելով մյուսներին և ապահովելով հավասար զարգացում ամբողջ Հայաստանում:
Նկարները ՔՈԱՖ-ի շրջանավարտների ֆեյսբուքյան էջերից: