Յուրաքանչյուր մարդ ունի իր հայացքներն ու խոսքը՝ անկախ իր ֆիզիկական կամ մտավոր հնարավորություններից։
Հաշմանդամություն ունեցող անձինք մեր հասարակության լիիրավ անդամներն են , ովքեր իրենց գործունեությամբ, ստեղծարարությամբ ու մասնագիտական ներգրավվածությամբ ձևավորում են մեր հասարակությունը։
Ըստ Judy Initative-ի` Հայաստանում ապրում է .
- 195634Հաշմանդամություն ունեցող անձ
- 6,7%Ամբողջ ՀՀ բնակչության
- 9182Երիտասարդ հաշմանդամներ
Սակայն այս թվերի ետևում պարզապես վիճակագրական միավորներ չեն։ Նրանք իրական մարդիկ են՝ իրենց կյանքով ու անհատական պատմություններով։
Նրանցից շատերը օգտագործում են համացանցը, սոցիալական հարթակները իրենց պատմությունը ներկայացնելու ու անցած ուղղով կիսվելու նպատակով ։ Նրանք պայքարում են ընդունված և լսված լինելու համար։
Շատ հաշմանդամություն ունեցող երիտասարդներ հաճախ կոմպլեքսավորվում են, խուսափում են շփումներից և քննադատական կարծիքներից։ Սակայն նրանցից տարբերվում է 18-ամյա Աշոտը․ նա դեռ մանկուց հետաքրքրված է եղել բլոգինգով։ Փոքրուց տատիկի Instagram էջով ուղիղ եթերներ էր անում և արդեն իսկ վստահ էր, որ մի օր լուրջ կզբաղվի բլոգինգով։ Այսօր Աշոտը ակտիվ է իր Instagram և TikTok էջերում։ Instagram-ում ունի մոտ 4000, իսկ TikTok-ում՝ շուրջ 4300 հետևորդ։
Աշոտը իր բլոգում անդրադառնում է հաշմանդամության խնդիրներին, խտրական վերաբերմունքին, ներկայացնում է իր անցած ուղղին, առօրյան ,բարձրաձայնում է միջավայրի անհարմարության հետ կապված խնդիրները, ոգեշնչում է և կոտրում կարծրատիպեր։Աշոտի նպատակն է, որ իր հոլովակներով փոխի մարդկանց վերաբերմունքը հաշմանդամություն ունեցող անձանց նկատմամբ և մարդիկ լինեն ավելի տեղեկացված։
Աշոտը դեռևս 9 ամսական հասակից ամենօրյա գրաֆիկով այցելում է «Հանրապետական վերականգնողական կենտրոն»։
Ժամանակավոր բնակվում է կենտրոնի կանաչ տնակում։
Տնակից մի քանի քայլ է դեպի վերականգնողական կենտրոն։
Նա նշում է , որ հստակ գիտի, թե ինչ պետք է անել, ինչ ցույց տալ, ինչպես աշխատել երեխաների հետ։ Իր համար սա ուղղակի աշխատանք չէ, այլ՝ առաքելություն է։ Բոլոր պրոյեկտներից զատ ամենանախընտրելին ու սիրելին մնում է այն կենտրոնի պրոյեկտը, որտեղ անցել են նրա կյանքի գրեթե բոլոր փուլերը։
Նույն վերականգնողական կենտրոնում կան նաև այլ հաշմանդամ երիտասարդներ, ովքեր նույնպես աշխատում են։