Մշակույթների հանդիպում կրթական տիրույթում
Օտարերկրացի կամավորները Բրյուսովի անվան պետական համալսարանում
Ստելա Ասրյան
ԲՊՀ Լրագրություն 4-րդ կուրս
Ժամանակակից կրթական միջավայրն այլևս չի սահմանափակվում տվյալ երկրի մասնագետներով։ Այսօր համալսարաններն աշխարհի տարբեր անկյուններից միավորում են մարդկանց գիտելիքի ու փորձի փոխանակման գաղափարի շուրջ։
ԲՊՀ «Կարիերայի կենտրոն»-ի օտարերկրացի կամավորներին նվիրված անկյունը
Բրյուսովի անվան պետական համալսարանում սովորական են դարձել օտարերկրացի կամավորների այցերը։ 2012 թվականին որոշում է կայացվել հյուրընկալել կամավորներ«Եվրոպական Միություն»-ից: Նրանք գալիս են դասավանդելու, աշխատարաններ անցկացնելու և ուսանողների հետ կիսելու իրենց մշակութային ու մասնագիտական փորձը։
Վերջին տարիներին Բրյուսովի անվան պետական համալսարանում կամավորներ են եղել շուրջ 10 եվրոպական երկրներից։ Ամենաշատ ներկայացուցիչները Լեհաստանից, Գերմանիայից և Ֆրանսիայից են :
Օտարերկրացի կամավորների քանակը՝ ըստ երկրների
5 կամավոր
2 կամավոր
1 կամավոր
5 կամավոր
3 կամավոր
3 կամավոր
2 կամավոր
1 կամավոր
5 կամավոր
3 կամավոր
1 կամավոր
Քեթլին Մորիարթի
Կամավոր Կանադայից
Քեթլինը Կանադայից եկած առաջին կամավորն է, որը երկրորդ տարին է, ինչ «AVC» -կամավորական կազմակերպության ծրագրերի միջոցով գալիս է Հայաստան և աշխատում Բրյուսովի անվան պետական համալսարանում։
Նա դասավանդում է բիզնես հաղորդակցություն և խոսակցական անգլերեն՝ օգնելով ուսանողներին զարգացնել իրենց հաղորդակցական և ինքնավստահության հմտությունները։
Նրա կարծիքով այս նախագիծը հրաշալի հնարավորություն է <<Լեռներ շարժելու>> , դժվարություններին հարմարվելու ու հաղթահարելու համար։
Քեթլին Մորիարթիի հետ անցկացված հարցազրույցից հատված
Քեթլին Մորիարթիի դասընթացից հատված
Քեթլինը իր դասընթացներն անցկացնում է նորարարական տարբերակներով՝ ներառելով քննարկումներ, երկխոսություններ և տարբեր արդիական ու հետաքրքրիր թեմաներ ։ Սա ուսանողներին հնարավորւթյուն է տալիս ավելի ազատ ու անկաշկանդ զգալ և հեշտ ըմբռնել դասընթացը։
Փոլին Ագյիոն
Կամավոր Ֆրանսիայից
Փոլինը 22 տարեկան կամավոր է Ֆրանսիայից, ով Հայաստան է եկել «Եվրոպական համերաշխության կորպուս»-ի ծրագրով։ Նա 4 ամիս աշխատել է Վալերի Բրյուսովի անվան պետական համալսարանում և ուսանողներին օգնել զրույցների և խաղային մեթոդների միջոցով ֆրանսերենն ավելի ազատ կիրառել։
«Երբ եկա Հայաստան, չէի պատկերացնում, որ այսքան բան կբացահայտեմ և այսքան բան կսովորեմ այս կարճ ժամանակահատվածում։ Մարդկանց ջերմ ընդունելությունը և կիսվելու այս գեղեցիկ մշակույթը ինձ շատ զարմացեց։ Ուսանողների մեջ զգացել եմ բարություն ու հետաքրքրասիրություն։ Թեկուզ երբեմն հաղորդակցվելը դժվար էր լեզվի և մշակութային տարբերությունների պատճառով, բայց հենց դա էր այս արկածը դարձնում ավելի հետաքրքիր։ Այս ամենը հարմարվելու մասին էր։»։
Փոլին Ագյիոն
Փոլինը ԲՊՀ-ի ուսանողների հետ
Այս կամավորական փորձերը ցույց են տալիս, թե ինչպես ոչ ֆորմալ կրթությունն ու միջազգային կամավորների աջակցությունը կարող է լրացնել ֆորմալ կրթությանը և ստեղծել միջազգային մշակութային կապեր:
ԲՊՀ «Կարիերայի կենտրոն»-ի ղեկավար Լևոն Բաբամյանը նշում է, որ ոչ ֆորմալ կրթությունն օգնում է ուսանողներին բարելավել լեզվական հմտությունները և ավելի մրցունակ դառնալ աշխատաշուկայում։
Լևոն Բաբամյանի հետ հարցազրույցից հատված
Բրյուսովի անվան պետական համալսարանում ուսումնական ընթացքին կամավորների մասնակցությունը միավորում է ուսանողներին տարբեր նախաձեռնությունների շուրջ և նպաստում նրանց համագործակցությանը կրթական գործընթացում։