և Թունաքիմիկատների գերեզմանոցը
Ավելի քան 75 տարի է, ինչ մայրաքաղաք Երևանում գործում է Հայաստանի ամենախոշոր աղբավայրը։ Նուբարաշենի աղբավայրը զբաղեցնում է 52 հեկտար տարածք, որտեղ ամեն տարի տեղափոխվում է շուրջ 365-440 հազար տոննա կենցաղային աղբ։ Այն չի համապատասխանում որևէ տեխնիկական, բնապահպանական կամ սանիտարահիգիենիկ պահանջների՝ փաստացի լինելով պարզապես աղբի կուտակման վայր։ Հատկապես շոգ եղանակներին այստեղ հաճախակի հրդեհներ են բռնկվում՝ տարածելով թունավոր ծուխ և տհաճ հոտ ողջ քաղաքի վրա։ Աղբավայրի գոյությունը դարձել է Նուբարաշենի մասին ձևավորված հանրային պատկերացումների հիմնական պատճառներից մեկը, սակայն իրականում աղբավայրը չի պատկանում Նուբարաշեն համայնքին։ Հատկապես մամուլում հաճախ կարելի է հանդիպել հոդվածների, որոնք վերաբերում են հենց Նուբարաշենի աղբավայրին:
Այս թեմայի շուրջ առավել ամբողջական պատկեր ստանալու համար զրուցել ենք Նուբարաշենի համայնքապետ Անդրանիկ Գասպարյանի հետ։
Թունաքիմիկատների գերեզմանոց
-
- Նկարները տրամադրել է Մարիամ Տաշչյանը
-
Ըստ բնապահպանի՝ Նուբարաշենի անունը շատերի մոտ առաջին հերթին ասոցացվում է աղբավայրի հետ, ինչի հետևանքով հաճախ ձևավորվում է ոչ բարեկեցիկ տարածքի պատկերացում։ Նրա կարծիքով այս իրավիճակի պատճառով ակամայից տուժում են նաև համայնքի բնակիչները, քանի որ նրանք ապրում են աղբավայրին կից տարածքում, թեև նման ընկալումը լիովին օբյեկտիվ չէ։ Մարիամը ընդգծում է, որ տարիներ շարունակ խնդիրը պատշաճ լուծում չի ստացել, և աղբավայրի առկայությունը շարունակում է մնալ Հայաստանի համար կարևոր բնապահպանական խնդիր, որը վաղ թե ուշ պետք է լուծում ստանա։