Նոյեմբերի 9-ին Վ. Բրյուսովի անվան պետական համալսարանի «Հանրային հաղորդակցություն և լրագրություն» ամբիոնում հյուրընկալվեցին Պեկինի օտար լեզուների ինստիտուսի չինացի ուսանողները: Հանդիպումն իրականացվել էր Վ. Բրյուսովի անվան պետհամալսարանի և Սերգեյ Փարաջանովի տուն-թանգարանի համատեղ նախաձեռնությամբ:

Այս նախագծի շրջանակներում չինացի ուսանողները մասնակցեցին Սերգեյ Փարաջանովի տուն-թանգարանի համար նախատեսված չիներեն աուդիոգիդի պատրաստման աշխատանքներին: Նախաձեռնությունը նպատակ ունի նպաստել հայկական մշակութային ժառանգության միջազգային տարածմանը և թանգարանի չինախոս այցելուների համար տեղեկատվության մատչելիությանը:

Յուրաքանչյուր ուսանող չիներենով ներկայացրել է Փարաջանովի տուն-թանգարանի առանձին սրահ՝ անդրադառնալով ցուցանմուշներին, արվեստագետի ստեղծագործություններին և ժառանգությանը: Ստեղծված աուդիոգիդը նախատեսվում է մինչև 2025 թվականի դեկտեմբերը ներառել թանգարանի մշտական ցուցադրության մեջ։

Չինացի ուսանողներին աջակցել է ԲՊՀ հայագիտության ամբիոնի բ․գ․թ․դոցենտ,դասախոս, Նարինե Հեքեքյանը։ Նրա խոսքով՝ նախաձեռնությունն իրականացնելու գաղափարը ծագել է Փարաջանովի տուն-թանգարան կազմակերպված այցի ընթացքում։

«Թանգարան այցելության ժամանակ ներկայացվեցին Սերգեյ Փարաջանովի կյանքի և ստեղծագործական ժառանգության կարևոր դրվագները, ինչի արդյունքում առաջացավ գաղափարը՝ մշակել չիներեն աուդիոգիդ և այն նվիրել թանգարանին»:

Նախագծի իրականացման կարևոր փուլերից մեկը եղել է տեքստերի լեզվական և բովանդակային մշակումը: Այդ աշխատանքներն իրականացրել են չինացի ուսանողների և ԲՊՀ Արևելյան լեզուների ամբիոնի դասախոսներ` Դավիթ Գրիցենկոն, Ծյան Նանը, որոնք թարգմանել և խմբագրել են տեքստերը:
Արևելյան լեզուների ամբիոնի վարիչ Քրիտինե Ռաֆայելովան ընդգծում է ամբիոնի մասնագիտական թիմի դերը նախաձեռնության հաջող իրականցման գործում: