Վերջին տարիներին աշխարհում անտառային և դաշտային հրդեհները զգալիորեն աճել են՝ դառնալով լուրջ բնապահպանական սպառնալիք։ Դրանց առաջացման հիմնական պատճառներն են կլիմայական փոփոխությունները, ինչպես նաև մարդկային անփույթ գործունեությունը։
Հրդեհները ոչ միայն ոչնչացնում են անտառները և կենդանական աշխարհը, այլև մեծ քանակությամբ ածխաթթու գազ են արտանետում մթնոլորտ՝ խորացնելով գլոբալ տաքացումը։ Արդյունքում ձևավորվում է վտանգավոր շղթայական ազդեցություն, երբ կլիմայական փոփոխությունները նպաստում են հրդեհներին, իսկ հրդեհները՝ իրենց հերթին ուժեղացնում կլիմայական ճգնաժամը։
Հայաստանում ևս վերջին տարիներին նկատվում է հրդեհների հաճախացում, հատկապես ամառային ամիսներին, երբ եղանակը դառնում է ավելի չոր և շոգ։ Հիմնականում այրվում են խոտածածկ տարածքներ, անտառներ և գյուղատնտեսական նշանակության հողեր:
Բացի բերքի պակասից, որը լուրջ խնդիր է, 2025 թվականի հրդեհների հետևանքով ակտիվացել են նաև մեղվի հիվանդությունները`մասնավորապես վարաոտոզ հիվանադությունը և սնկային վարակները,որնք տաք եղանակներին պայմաններում ավելի արագ են զարգանում։
Հիվանդությունների տարածման հետևանքով Հայաստանում բազմաթիվ մեղվաբույծների մոտ անկումներ են գրանցվել, իսկ սկսնակ մեղվաբույծների մի մասը նույնիսկ ամբողջովին չի կարողացել հաղթահարել բուժման գործընթացը։
Մեղվաբույծ Գայանե Սիմոնյանի խոսքով՝ այս խնդիրը չի սահմանափակվել նախորդ տարով. 2026 թվականի գարնանը դեռևս շարունակվում են անկումները:
Այս իրավիճակը ևս մեկ անգամ ընդգծում է, որ կլիմայական փոփոխություններով պայմանավորված հրդեհները միայն բնապահպանական խնդիր չեն, այլև լուրջ սոցիալ-տնտեսական հետևանքներ ունեցող երևույթ, որը պահանջում է համակողմանի ուշադրություն և կանխարգելիչ միջոցառումներ։