Ուսանող՝ Անահիտ Ղուկասյան
Դասախոս՝ Լիլիկ Ստեփանյան, բ․գ․թ․
Ժամանակակից աշխարհում ճանապարհորդությունը նախ ձևավորվում է թվային միջավայրում՝ սմարթֆոնի էկրանին, որտեղ էլ ստեղծվում են երկրների մասին նախնական ընկալումները։
Մարդիկ նախ առցանց են ճանապարհորդում, հետո միայն իրական կյանքում։ Եվ այդ ճանապարհորդությունների խաչմերուկում էլ արդեն իսկ որոշվում է՝ արդյոք տվյալ երկիրը կդառնա նրանց հաջորդ ուղղությունը, թե ոչ։
Այսօր Հայաստանի զբոսաշրջային կերպարը ձևավորվում է ոչ միայն պետական կառույցների կամ պաշտոնական ռազմավարությունների միջոցով, այլև տարբեր դերակատարների՝ լրագրողների, բլոգերների, վլոգերների, ինֆլուենսերների, ինչպես նաև հենց զբոսաշրջիկների կողմից։
Նրանցից յուրաքանչյուրը, իր տեսանկյունից, ստեղծում և տարածում է Հայաստանի մասին պատմություններ՝ ձևավորելով այն պատկերները, որոնք հասնում են միջազգային լսարանին։
