Նախագծի հեղինակ՝ Մարիամ Ասատրյան

Նախագծի ղեկավար՝ Ռուզան Գիշյան

Նա գեղեցիկ է, համարձակ

Եվ թվում է իրական, բայց…

Նա իրականում գոյություն չունի։

Արհեստական բանականությունը արագ փոխում է գովազդային աշխարհը՝ ձևափոխելով թե՛ բովանդակության ստեղծման ձևը, թե՛ մարդկանց ընկալումները։

Բայց ինչ է տեղի ունենում, երբ մարդիկ սկսում են վստահել մեկին, որը իրականում գոյություն չունի։

Երևան Մոլի թվային մարքեթինգի թիմի ղեկավար

Մոլլին ֆիզիկապես գոյություն չունի և մեկ հստակ իրական կերպար չի ներկայացնում: Երբեմն նկարահանվում են թիմի տարբեր անդամներ, որոնց կերպարն այնուհետև արհեստական բանականության միջոցով վերափոխվում է Մոլլիի տեսքի, իսկ հաճախ կերպարը ստեղծվում է միայն ԱԲ-ին տրված տեքստային հրահանգների օգնությամբ։ Նրա ստեղծման գաղափարը ձևավորվել է այն ժամանակ, երբ արհեստական բանականության տեխնոլոգիաները սկսեցին արագ փոխել թվային միջավայրն ու գովազդային հաղորդակցությունը։

«Մոլլին մեկ մարդու գաղափար չէր։ Նա մեր ամբողջ թիմի ստեղծագործական աշխատանքի արդյունքն է»:

Երևան Մոլի մարքեթինգի ղեկավար Լիլի Բոշյանը նշում է, որ թիմի նպատակը ոչ միայն հետևելն էր այդ փոփոխություններին, այլ նաև դառնալ դրանց մի մասը՝ ստեղծելով կերպար, որը կարտացոլի ժամանակակից թվային մշակույթն ու նորարարությունը։ Մոլլին ստեղծվել է որպես Gen Z սերնդի ներկայացուցիչ՝ ժամանակակից, ազատ և թրենդային կերպարով։ Նրա խոսելաձևը, արտաքինն ու ստեղծած բովանդակությունը կառուցվել են այնպես, որ սոցիալական մեդիայում ընկալվի բնական և կենդանի։

Ըստ Լիլի Բոշյանի, ԱԲ մոդելներն ու իրական ինֆլուենսերները դեռ տարբեր ձևով են աշխատում։ Ինֆլուենսերներն արդեն ունեն իրենց լսարանը և մարդկանց վստահությունը, իսկ ԱԲ կերպարները դեռ նոր են և այդ փորձը չունեն։ Այդ պատճառով Մոլլին չի դիտվում որպես ինֆլուենսերի փոխարինում, այլ որպես բրենդի կողմից ստեղծված կերպար, որը թույլ է տալիս ազատ ձևով ստեղծագործել՝ առանց սահմանափակումների։ Թեև ԱԲ-ը կարող է ավելի քիչ ծախս պահանջել, այն միևնույն է ավելի շատ աշխատանք է պահանջում, քանի որ ամբողջ բովանդակությունը ստեղծվում է սկզբից՝ զրոյից։ Ընդհանուր առմամբ հասարակության արձագանքը դրական է, իսկ ապագայում ԱԲ և իրական ինֆլուենսերները, ամենայն հավանականությամբ, կգործեն զուգահեռ՝ որպես միմյանց լրացնող գործիքներ։
Վերջին շրջանում Մոլլիի նկատմամբ հետաքրքրությունը հատկապես մեծացավ Կամո Թովմասյանի հետ իրականացված հարցազրույցից հետո, որը դարձավ կերպարի ամենահաջողված նախագծերից մեկը՝ իր ավելի երկար ձևաչափի և լայն արձագանքի շնորհիվ։

ԱԲ կերպարների ազդեցության ուսումնասիրությունը միայն տեխնոլոգիական հարց չէ․ այն նաև կապված է մարդու ընկալման և ինքնագնահատականի հետ։ Երբ իրականն ու արհեստականը սկսում են խառնվել, դա կարող է ազդել ոչ միայն տեղեկատվության նկատմամբ վստահության, այլև մարդու ինքնագնահատականի վրա։

«Մարդիկ սկսում են չվստահել այն ամենին, ինչ տեսնում են համացանցում, որովհետև դժվար է տարբերել՝ ինչը իրական է, ինչը՝ ԱԲ։ Արդյունքում համացանցում ստացած ինֆորմացիան այլևս նույն լուրջ ընկալումը չի ունենում»:

Էլինա Պետրոսյան
Հոգեբան

Ըստ հոգեբան Էլինա Պետրոսյանի՝ ԱԲ տեխնոլոգիաները մարդկանց մոտ միաժամանակ առաջացնում են և՛ հետաքրքրություն, և՛ անհանգստություն։
Երբ մարդկանց համար դժվար է դառնում տարբերել իրականն ու արհեստականը, փոխվում է նաև համացանցում ստացած տեղեկատվության նկատմամբ վստահությունը։

Հոգեբանը նշեց, որ ԱԲ-ի զարգացումը կարող է ազդել մարդու հոգեբանական և հուզական վիճակի վրա․ հնարավոր է նվազի իրական շփումը, մարդիկ դառնան ավելի ինքնամփոփ և թուլանա մարդկային հարաբերությունների կարևորությունը։ Բացի այդ, ԱԲ կերպարների «իդեալական» պատկերն ու կյանքը կարող են հատկապես դեռահասների մոտ նվազեցնել ինքնագնահատականը՝ առաջացնելով համեմատվելու ցանկություն և անիրական սպասումներ։

Այն փոխել է ոչ միայն լսարանի ընկալումները, այլ նաև այն, թե ինչպես է այսօր ստեղծվում բովանդակությունը՝ գաղափարից մինչև վերջնական հրապարակում։

Մինչ մարդիկ փորձում են հասկանալ՝ որտեղ է ավարտվում իրականությունը և սկսվում ԱԲ-ը, գովազդային ոլորտն արդեն ակտիվորեն օգտագործում է այդ տեխնոլոգիաները։

Ինֆլուենսեր և SMM մասնագետ Ռիմա Սահակյանը նշում է, որ ԱԲ-ը ավելի շատ օգուտ է, քան սպառնալիք․ ճիշտ կիրառման դեպքում այն բարձրացնում է արդյունավետությունն ու աշխատանքի որակը։ Սակայն այն կարող է դառնալ խնդիր այն ժամանակ, երբ մարդիկ սկսում են ամբողջությամբ փոխարինել իրենց կրեատիվ մտածողությունը արհեստական բանականությամբ և դադարում են ինքնուրույն մտածել։

Ինֆլուենսեր, SMM մասնագետ

Մոլլին այսօր միայն գովազդային կերպար չէ։ Նա վարում է ինստագրամյան էջ, ստեղծում բովանդակություն և ձևավորում սեփական թվային ներկայությունը։

Մոլլին սոցիալական մեդիայում

Մոլիի պաշտոնական ինստագրամյան էջը

ԱԲ ինֆլուենսերներն այսօր դարձել են թվային գովազդի ամենաքննարկվող երևույթներից մեկը։ Դրանք բրենդներին հնարավորություն են տալիս ստեղծել նորարարական կերպարներ, որոնք կարող են գրավել լսարանի ուշադրությունը և ներկայանալ ժամանակակից ձևաչափերով։ Սակայն, տեխնոլոգիական հնարավորություններին զուգահեռ, առաջ է գալիս նաև վստահության հարցը․ կարո՞ղ է արդյոք լսարանը լիովին ընդունել մի կերպարի, որն իրականում գոյություն չունի։

Շատ դժվար է վստահել ինչ-որ մեկին, որը գոյություն չունի, որովհետև մարդիկ չեն կարողանում էմոցիոնալ վստահություն ստեղծել թվային կերպարի նկատմամբ։

Ըստ փորձագետի՝ ԱԲ ինֆլուենսերները կարող են արդյունավետ աշխատել որպես բրենդի կերպար և ներկայացնել ընկերության նորարար ու ժամանակակից մոտեցումը։ Նրա կարծիքով՝ Մոլլիի դեպքում կերպարը չի փորձում ամբողջությամբ փոխարինել իրական ինֆլուենսերներին, այլ ավելի շատ գործում է որպես հետաքրքիր և ստեղծարար թվային ներկայություն, որը ցույց է տալիս բրենդի կապը ժամանակակից տեխնոլոգիաների հետ։

Նինել Կոկանյան

ԱԲ փորձագետ

Թվային դեմքեր, իրական ազդեցություն

Մոլլին հանդիսանում է ԱԲ կիրառության օրինակ ժամանակակից բրենդային և մարքեթինգային միջավայրում։
Մոլին իրական չէ։
Բայց նրա ազդեցությունն իրական է…