AI-ի դարաշրջան

Գովազդի նոր լեզուն․

Նախագծի հեղինակ՝ Մարիամ Ասատրյան

Նախագծի ղեկավար՝ Ռուզան Գիշյան

Նա գեղեցիկ է, համարձակ։

Եվ թվում է իրական, բայց….

Բայց նա գոյություն չունի։

Արհեստական բանականությունը արագ փոխում է գովազդային աշխարհը՝ ձևափոխելով թե՛ կոնտենտ ստեղծման ձևը, թե՛ մարդկանց ընկալումները։

Բայց ինչ է տեղի ունենում, երբ մարդիկ սկսում են վստահել մեկին, որը իրականում գոյություն չունի։

Երևան Մոլի թվային մարքեթինգի թիմի ղեկավար

Մոլլիի ստեղծման գաղափարը ձևավորվել է այն պահին, երբ AI տեխնոլոգիաները սկսեցին արագ փոխել թվային միջավայրն ու գովազդային հաղորդակցությունը:

«Մոլլին մեկ մարդու գաղափար չէր։ Նա մեր ամբողջ թիմի ստեղծագործական աշխատանքի արդյունքն է»

Երևան Մոլի մարքեթինգի ղեկավար Լիլի Բոշյանը նշում է, որ թիմի նպատակը ոչ միայն հետևելն էր այդ փոփոխություններին, այլ նաև դառնալ դրանց մի մասը՝ ստեղծելով կերպար, որը կարտացոլի ժամանակակից թվային մշակույթն ու նորարարությունը։Մոլլին ստեղծվել է որպես Gen Z սերնդի ներկայացուցիչ՝ ժամանակակից, ազատ և թրենդային կերպարով։ Նրա խոսելաձևը, արտաքինն ու կոնտենտը կառուցվել են այնպես, որ սոցիալական մեդիայում ընկալվի բնական և կենդանի։

Ըստ Լիլի Բոշյանի, AI մոդելներն ու իրական ինֆլուենսերները դեռ տարբեր ձևով են աշխատում։ Ինֆլուենսերներն արդեն ունեն իրենց լսարանը և մարդկանց վստահությունը, իսկ AI կերպարները դեռ նոր են և այդ փորձը չունեն։ Այդ պատճառով Մոլլին չի դիտվում որպես ինֆլուենսերի փոխարինում, այլ որպես բրենդի կողմից ստեղծված կերպար, որը թույլ է տալիս ազատ ձևով կոնտենտ անել՝ առանց սահմանափակումների։ Թեև AI-ը կարող է ավելի քիչ ծախս պահանջել, այն միևնույն է ավելի շատ աշխատանք է պահանջում, քանի որ ամբողջ կոնտենտը ստեղծվում է սկզբից՝ զրոյից։ Ընդհանուր առմամբ հասարակության արձագանքը դրական է, իսկ ապագայում AI և իրական ինֆլուենսերները, ամենայն հավանականությամբ, կգործեն զուգահեռ՝ որպես միմյանց լրացնող գործիքներ։