«Հայ ժամանակակից ֆերմերը․ հող մշակողից մինչև արտադրանք վաճառող»

Ժամանակակից ֆերմերը միայն հող մշակող չէ․ նա կիրառում է նոր տեխնոլոգիաներ, ուսումնասիրում շուկան և ինքնուրույն կազմակերպում իր արտադրանքի վաճառքը։

Հայ ֆերմերի փոփոխվող կերպարը


Գյուղատնտեսությամբ զբաղվող մարդու աշխատանքը տարիների ընթացքում զգալիորեն փոխվել է։ Եթե նախկինում ֆերմերի հիմնական գործը հողի մշակումն ու բերք ստանալն էր, ապա այսօր նրանից պահանջվում են նաև նոր տեխնոլոգիաների կիրառման, շուկայի ուսումնասիրման և արտադրանքի վաճառքի հմտություններ։
Ժամանակակից ֆերմերը ոչ միայն արտադրող է, այլև իր աշխատանքի կազմակերպիչը՝ հողից մինչև սպառող։
«Ի՞նչ են մտածում երիտասարդները գյուղատնտեսության մասին»

56

Հարցման մասնակից

78.6%

18–24 տարեկան մասնակիցներ

64.3%

Գյուղատնտեսությունը մասամբ գրավիչ է համարում

Գյուղատնտեսությունը՝ որպես ընտրություն և ստեղծագործ աշխատանք

Գոհար Մովսիսյան
Բարի Ֆարմ-ի համահիմնադիր և արտադրող

Գյուղատնտեսությամբ զբաղվելու որոշումը Գոհարի համար կապված է եղել գյուղական միջավայրի, բնության և բույսերի նկատմամբ սիրո հետ։ Նրա փորձը ցույց է տալիս, որ ժամանակակից ֆերմերի աշխատանքը միայն հողի մշակումով չի սահմանափակվում․ այն պահանջում է նաև նոր գիտելիքներ, տեխնոլոգիաների կիրառում և արտադրության ճիշտ կազմակերպում։
Գոհար Մովսիսյան
Բարի Ֆարմ-ի համահիմնադիր և արտադրող

Գյուղատնտեսությամբ զբաղվելու որոշումը Գոհարի համար կապված է եղել գյուղական միջավայրի, բնության և բույսերի նկատմամբ սիրո հետ։ Նրա փորձը ցույց է տալիս, որ ժամանակակից ֆերմերի աշխատանքը միայն հողի մշակումով չի սահմանափակվում․ այն պահանջում է նաև նոր գիտելիքներ, տեխնոլոգիաների կիրառում և արտադրության ճիշտ կազմակերպում։

Տեխնոլոգիաները՝ ֆերմերի աշխատանքի մեջ

«Ժամանակակից գյուղատնտեսության մեջ տեխնոլոգիաները կարևոր դեր ունեն։ Կաթիլային ոռոգման համակարգերը, հակակարկտային ցանցերը և խելացի սարքավորումները հնարավորություն են տալիս ավելի արդյունավետ կազմակերպել աշխատանքը, խնայել ջուրն ու ժամանակը և նվազեցնել ֆիզիկական ծանրաբեռնվածությունը»։

Արտուշ Խաչատրյան․ գյուղատնտեսություն և նորարարություն

Արտուշ Խաչատրյան
Սարերի Բարիք սոցիալական ձեռնարկության հիմնադիր
«Սարերի բարիք» սոցիալական ձեռնարկության հիմնադիր Արտուշ Խաչատրյանի գործունեությունը ցույց է տալիս, թե ինչպես կարելի է գյուղատնտեսությունը կապել համայնքի զարգացման և գյուղացիների եկամտի ապահովման հետ։ Նրա նախաձեռնության նպատակներից մեկն է գյուղացիների համար ստեղծել լրացուցիչ զբաղվածության և եկամտի հնարավորություններ՝ օգտագործելով նաև վայրի բույսերի և տարբեր մշակաբույսերի ներուժը։

«Տեխնոլոգիաները փոխում են գյուղատնտեսությունը»


Հարցման մասնակիցների մեծամասնությունը կարևորում է տեխնոլոգիաների դերը գյուղատնտեսության մեջ։ Նրանց կարծիքով՝ նոր տեխնոլոգիաները հեշտացնում են ֆերմերի աշխատանքը և օգնում ավելի արդյունավետ կազմակերպել արտադրությունը։

  • 76.8%

    Տեխնոլոգիաները զգալիորեն հեշտացնում են ֆերմերի աշխատանքը

  • 21.4%

    Տեխնոլոգիաներն օգնում են, բայց ոչ բոլոր դեպքերում

  • 1.8%

    Տեխնոլոգիաները առանձնապես չեն օգնում ֆերմերի աշխատանքին

Կցանկանայի՞ն երիտասարդները դառնալ ֆերմեր

Չնայած տեխնոլոգիաների զարգացմանը և գյուղատնտեսության մեջ նոր հնարավորությունների առաջացմանը՝ երիտասարդների մեծ մասը դեռ չի պատկերացնում իր ապագան այս ոլորտում։ Հարցման արդյունքները ցույց են տալիս, որ մասնակիցների 80.4%-ը չի ցանկանում ապագայում զբաղվել գյուղատնտեսությամբ, 14.3%-ը դեռ չի կողմնորոշվել, իսկ 1.8%-ը հստակ ցանկություն ունի զբաղվելու ֆերմերությամբ
  • 80.4%

    Չեն ցանկանում զբաղվել ֆերմերությամբ
  • 14.3%

    Դեռ չեն կողմնորոշվել ապագա ընտրության հարցում
  • 1.8%

    Ցանկանում են իրենց ապագան կապել ֆերմերության հետ

Կարո՞ղ է ֆերմերությունը կայուն եկամուտ ապահովել

Ֆերմերությամբ զբաղվելը միայն բնության և հողի հետ կապված աշխատանք չէ․ այն նաև բիզնես է, որը պահանջում է ճիշտ հաշվարկներ, շուկայի ուսումնասիրություն և արտադրանքի իրացում։ Հարցման մասնակիցների 64.3%-ը կարծում է, որ գյուղատնտեսությամբ հնարավոր է կայուն եկամուտ ապահովել, սակայն դա կախված է տարբեր պայմաններից։ Միևնույն ժամանակ, 41.1%-ի կարծիքով՝ ֆերմերներին ցուցաբերվող աջակցությունը բավարար չէ։
  • 64.3%
    Գյուղատնտեսությամբ հնարավոր է կայուն եկամուտ ապահովել։
  • 23.2%
    Գյուղատնտեսությունից եկամուտ ստանալը հնարավոր է։
  • 8.9%
    Ֆերմերներին ցուցաբերվող աջակցությունը բավարար չէ։

Ի՞նչ աջակցություն է անհրաժեշտ ժամանակակից ֆերմերին

Գյուղատնտեսության զարգացման համար կարևոր է ոչ միայն տեխնոլոգիաների կիրառումը, այլև ֆերմերներին անհրաժեշտ պայմանների ապահովումը։ Հարցման մասնակիցների 41.1%-ը կարծում է, որ ֆերմերներին ցուցաբերվող աջակցությունը բավարար չէ, իսկ 35.7%-ի կարծիքով՝ այն միայն մասամբ է բավարար։ Սա ցույց է տալիս, որ ոլորտի զարգացման համար անհրաժեշտ են ֆինանսական աջակցություն, մասնագիտական խորհրդատվություն և արտադրանքի իրացման ավելի լայն հնարավորություններ

Ֆերմերի ապագան՝ նոր հնարավորությունների ճանապարհին






Ժամանակակից ֆերմերը միայն հող մշակող չէ։ Նա նաև արտադրող է, կազմակերպիչ և ձեռնարկատեր, որը պետք է կարողանա համատեղել ավանդական գիտելիքներն ու նոր տեխնոլոգիաները։ Հարցման արդյունքները ցույց են տալիս, որ երիտասարդների շրջանում գյուղատնտեսության նկատմամբ հետաքրքրությունը դեռ սահմանափակ է, սակայն տեխնոլոգիաների զարգացումն ու ոլորտում նոր հնարավորությունների ստեղծումը կարող են փոխել այդ վերաբերմունքը։ Գյուղատնտեսության ապագան կախված է ոչ միայն ֆերմերների աշխատանքից, այլև նրանց տրամադրվող աջակցությունից, կրթությունից և հասարակության վերաբերմունքից։