Նման ծրագրերն իրականացնելուց առաջ նախ պետք է հստակ պլանավորել ոչ միայն շինարարական կամ այլ աշխատանքային դետալներ, այլև առաջնահերթություն պետք է տալ երեխաների իրավունքների պաշտպանությանն ու հարմարավետությանը։ ԿԳՄՍՆ-ն մինչ օրս հստակ պարզաբանում չի տվել քանդվող շենքերի տարածքների հետագա ճակատագրերի վերաբերյալ, ինչպես նաև չեն պարզաբանվել մի շարք կարևոր հարցեր, որոնցից օրինակ ամենակարևորներից է երեխաների տեղափոխման խնդիրը։

Երեխաների շրջանում ցանկացած մեծ կամ փոքր փոփոխություն կարող է բացասական հետք թողնել նրանց անձի ձևավորման վրա։ Հատկապես դպրոցական տարիքը շատ խոցելի է, հետևաբար ուսումնական միջավայրի փոփոխությունը կարող է էական ազդեցություն ունենալ հատկապես, երբ նրանք օրվա մեծ մասն անցկացնում են դպրոցում։ Քարագլխի օրինակով տեղյակ եմ, որ ճանապարհները բավականին վատթար վիճակում են և դա էլ կարող է երեխաների դասի չգնալու պատճառ դառնալ։