Հետաքրքիր ավանդույթներից մեկն է Մեղրիում դուռ ծեծելու սովորույթը։ Նախկինում տան դռների վրա ամրացված էին լինում երկու տարբեր երկաթե թակիչներ մեկը օղակի, իսկ մյուսը՝ երկարաձիգ երկաթե կտորի տեսքով։ Օղակաձև թակիչը նախատեսված էր կանանց համար, իսկ երկարաձիգը՝ տղամարդկանց։


Հին ժամանակներում կանայք օտար տղամարդկանց ներկայությամբ գլխշոր էին կրում, և այս տարբերակված թակիչները օգնում էին տան տիրուհուն հասկանալ, թե ով է կանգնած դռան առաջ։ Եթե դուռը մեղմ ձայնով էին թակում, նշանակում էր՝ այցելուն կին է, իսկ եթե թակոցի ձայնը բարձր ու հնչեղ էր, ենթադրվում էր, որ այցելուն տղամարդ է։ Այդ դեպքում տան տիրուհին գլխաշորը կապած էր դուրս գալիս հյուրին դիմավորելու։