Երբ բացում էի ինստագրմայան էջը, բնականաբար, սկզբում չես մտածում գումարի մասին։ Մտածում ես, որ քո էջը մարդկանց հետաքրքրի, քո էջով օգնես իրենց։ Բայց եթե ուզում ես, որ հետագայում քո բլոգը եկամուտ բերի քեզ, պետք է հասկանաս, որ դրա համար պետք է ծախսես շատ ժամանակ, նյարդեր, գումար, պետք է ներդնես ցանկություն, եռանդ, ամեն ինչ, որպեսզի մի օր քո բլոգը քեզ եկամուտ բերի։

Իրականում ինստագրամը լավ միջոց է, որպեսզի հետևես տարբեր մասնագետների և կարողանաս ընտրություն կատարել։ Ես միայն վստահում եմ այն մարդկանց, որոնք ունեն բժշկական կրթություն։ Սպառողը ինքն է ընտրում ում վստահի, ում ոչ։ Պետք չէ վազել ցանկացածի մոտ։ Բժիշկը պետք է կարողանա ապացուցի իր ստացած կրթությունը։ Հիմա ինստագրամում կան շատ բժիշկներ, որոնց, իրոք շնորհակալ եմ քանի որ իրենք մտածում են հասարակության մասին, ներկայացնում են որակյալ բովանդակություն և ամեն գնով փորձում են օգնել հասարակությանը։

Անկեղծ ասած, վերջերս շատ եմ զարմանում, որ տեսնում եմ մարդիկ այլևս չեն հավատում միֆերին։ Առաջ մտածում էին, որ չուտեմ՝ նիհարեմ , իսկ հիմա գիտեն, որ կարելի է անգամ քաղցր ուտելով նիհարել։ Էստեղ արդեն կարևոր է ստեղծել կալորիաների դեֆիցիտ և չզրկել մեզ ուտել էն՝ ինչը սիրում ենք և ուզում ենք։ Կարևորը՝ սնվենք առողջ և բալանսավորված։ Թեթև խաղտումները, նույնիսկ, երբեմն պետքնեն։ Հիմա լավ է, շատ են մարդիկ կարդում, բավականին տեղեկացված են առողջ սնունդի, սննդային վարքի

խանգարումների մասին։

Սննդի հետ պետք է ունենալ առողջ հարաբերություններ։ Բնականաբար, եթե դու անընդհատ կերել ես արագ սնունդ, օգտագործել ես մեծ քանակով շաքար, գազավորված ըմպելիքներ, ապա շատ դժվար կլինի այդ ամեն ինչից միանգամից անցնել առողջ սնվելուն։ Պետք է աստիճանաբար դա անել։ Սկզբում պետք է հասկանալ, թե ո՞րն է ձեր թույլ կողմը՝ քաղցրը, թե՞ օրինակ արագ սնունդը։ Հետո պետք է աստիճանաբար քչացնել դրա օգտագործումը։ Միանգամից չես կարող և չպետք է դա անես։ Շատերը միանգամից իրենց սննդակարգից հանում եմ քաղցրը, բայց ամբողջ օրը մտածում են դրա մասին՝ օրգանիզմին սթրեսի ենթարկելով։ Սա էլ արդեն բերում է սննդային վարքի խանգարման՝ չհաշված, որ մարդիկ սկսում են իրենց համեմատել ինստագրամյան էջերի լուսանկարներին։ Բոլորը նիհար են, առողջ են սնվում, ունեն իդեալական կառուցվածք։ Բայց հավաստիացնում եմ, որ դա ամենևին էլ այդպես չէ։ Պետք չէ հավատալ ինստագրամին և խաղալ սեփական առողջության հետ։ Հաճախ էլ սննդային վարքի խանգարումը ձևավորվում է ընտանիքի պատճառով, որովհետև ընտանիքը ունենում է սխալ պատկերացումներ առողջ սնունդի մասին։ Իրականում խնդիրը շատ ավելի խորքային է։