Հայտնիների տների այսօրվա բնակիչները
Ուսանող՝ Լաուրա Հարությունյան
Ղեկավար՝ Ռուզաննա Գիշյան
Ղեկավար՝ Ռուզաննա Գիշյան
Յուրաքանչյուր տուն իր պատմությունն ունի, իր հիշողությունը, իսկ մեր ուսումնասիրության առանցքում հայ հայտնի և նշանավոր մարդկանց տներն են։ Մենք այցելել ենք նրանց տներ և փորձել ենք պարզել, թե ովքե՞ր են նոր բնակիչները և ի՞նչ ժառանգություն է պահպանված։ Հանդիպել ենք նրանց հարազատներին, ներկա բնակիչներին, լսել ենք պատմություններ և փորձել ենք հասկանալ, ինչպե՞ս են պահպանված՝ մշակութային արժեքներ հանդիսացող տները։ Այս աշխատանքը մի փորձ է՝ հասկանալու, թե ինչպե՞ս են հիշողությունները և մշակութային արժեքները պահվում՝ ժամանակի, մարդկանց ու տարածքների միջոցով։
Կենտրեն հեռուստաընկերության մշակութային լրագրող Արմինե Եփրեմյան
Ըստ լրագրող Արմինե Եփրեմյանի՝ մշակութային օջախների և ժառանգության պահպանման նվիրված նյութերը հաճախ շատ մակերեսային են և հազվադեպ են հանդիպում լրատվամիջոցներում։ Նրա խոսքով այս երևույթը չի նպաստում մշակութային արժեքների հանրայնացմանը, ու արդյունքում շատ կարևոր վայրեր և օջախներ մնում են անհայտ կամ անտեսված։
Մեդիան կարող է նաև խթանել հասարակության հետաքրքրությունը։ Մշակութային թեմաների հաճախակի լուսաբանումը կնպաստի հասարակության տեղեկացվածության բարձրացմանը։ Մշակութային ժառանգության և պատմական վայրերի պահպանման թեմաներին պետք է լրատվամիջոցները ավելի լուրջ ուշադրության դարձնեն։
Այս տների փոփոխությունը ցույց են տալիս, թե ինչպես են ճարտարապետական և մշակութային ժառանգությունները համատեղվում ժամանակակից կյանքի պահանջների հետ: Երբ այս տները վերափոխվում են թանգարանների, սրճարանների կամ ռեստորանների, դրանք ոչ միայն ծառայություն են մատուցում հասարակությանը, այլև ձևավորում են նոր միջավայրեր, որոնք կապում են անցյալը և ներկան: Որոշ դեպքորում այս փոփոխությունները թույլ են տալիս շարունակել պահպանել և տարածել ժառանգությունը, ինչպես նաև նպաստել հասարակության շրջանում արվեստի և մշակույթի տարածմանը։