Տավուշի բնության առանձնահատկությունները՝ անտառային մեծածավալ տարածքները և բազմազան բուսականությունը, մեծապես նպաստավոր են մարզում ոլորտի զարգացման համար: Մեղվաբույծի խոսքով` 1 մեզվաընտանիքից ստանում է մոտավորապես 30-35 կգ մեղր, իսկ բարենպաստ տարիներից 12 մեղվաընտանիքից` մինչև 300կգ մեղր:

Հայաստանում մեղրի պահանջարկը վերջին տարիներին ներքին շուկայում ունի լայն սպառման շրջանակ, որը պայմանավորված է հասարակության՝ առողջ ապրելակերպի նկատմամբ աճող հետաքրքրությամբ։

Մարդիկ նախընտրում են բնական և օգտական սննդամթերք:

Սակայն շուկայում հաճախ հանդիպում է նեմուծված ոչ օրգանիկ մեղր, որը շուկայական գնով ավելի մատչելի է, ինչը լրացուցիչ խոչընդոտ է հայ մեղվաբույծների համար։

Մեղվաբուծության ոլորտը հաճախ ընկալվում է հին կարծրատիպերով․ շատերը կարծում են, որ այն միայն տղամարդկանց զբաղմունք է, կամ մեղվաբուծությամբ հետաքրքրվում են միայն որոշակի տարիքային սահմանափակում ունեցող անձինք։

Սակայն, իրականությունը լրիվ այլ է․ այսօր կանայք ակտիվորեն ներգրավվում են ոլորտում, ղեկավարում սեփական մեղվանոցներ և կիսվում փորձով:

Մարիանա Ավետիսյանն արդեն 8 տարի է զբաղվում է մեղվաբուծությամբ: Ոլորտի հանդեպ հետաքրքրությունն ու սերը առաջացել է դեռ մանկուց, երբ պապիկի հետ այցելում էր սեփական մեղվանոց:

Սակայն տարիների ընթացքում, երբ պապիկն այլևս ի վիճակի չէր զվաղվել մեղվաբուծությամբ, այդ ընթացքում Մարիանան որոշում է ստանձնել մեղվաբույծի դերը, քանի որ ընտանիքում ոչ ոք ծանոթ չէր ոլորտին:

Մարիանայի դիտարկմամբ, կնոջ ներգրավվածությունը մեղվաբուծության ոլորտում ունի առանձնահատուկ կարևորություն:

Ըստ նրա` հասարակությունը համար մեղվաբուծությունը ընկալում է որպես ծերացած ոլորտ:

Չնայած նման կարծրատիպերի` այսօր Մարիանան զբաղվում է իր սիրելի աշխատանքով, սոցիալական ցանցերում ակտիվ ներկայացնում է ոլորտին առնչվող հարցերը: