Լոբհանա Ալահեի պատմությունը, ով 2019-ին եկել էր գինեգործություն սովորելու։ Նրա համար Երևանը դարձել է «ուսուցիչ»։ «Երևանում ես սովորեցի, որ կարելի է կյանքը ապրել հանգիստ, շտապելու անհրաժեշտություն չկա»,- ասում է նա։ 2020 թվականի պատերազմը շատերի համար հեռանալու ազդակ էր, բայց Լոբհանան հակառակն արեց․ նա հողատարածք գնեց Արմավիրում և հիմնեց «Yoke Wines» բրենդը։ Նա նկատում է, որ պատերազմից հետո հայերը դարձել են ավելի «բաց և գլոբալ մտածողությամբ»։ Նրա խորհուրդը հայ երիտասարդներին մեկն է․ «Մի՛ կառչեք անցյալի ցավից, բացվեք աշխարհի առաջ»։

Երևանում գործում է «Մեխակ» հնդկական ռեստորանը։ Այստեղ օդում մշտապես զգացվում են համեմունքների բույրերը, իսկ խոհանոցից դուրս եկող ուտեստները ներկայացնում են հնդկական ավանդական համերը։ Ռեստորանը ստեղծվել է որպես փոքր վայր, որտեղ մարդիկ կարող են ծանոթանալ հնդկական խոհանոցին և մի պահ զգալ այդ մշակույթը՝ Երևանի կենտրոնում։ Ռեստորանը գործում է 2015 թվականից: