Ժամանակակից Նուբարաշենը
Վերջին տարիներին համայնքում իրականացվել են մի շարք բարեկարգման աշխատանքներ` մաքրվել և կարգի են բերվել փողոցները, կառուցվել են նոր խաղահրապարակներ և ֆուտբոլի դաշտեր, ստեղծվել են պայմաններ, որպեսզի երեխաները ունենան իրենց ազատ ժամանակը անցկացնելու միջավայր։ Այստեղ պահպանվել է նաև այն ջերմությունը, որը բնորոշ է փոքր համայնքներին։
Բնակիչների միջև հարաբերությունները շարունակում են մնալ մտերմիկ։
Շատերը նշում են, որ Նուբարաշենում մարդիկ իրար ճանաչում են, հարգում և հաճախ միասին կազմակերպում իրենց առօրյան՝ լինի դա տոնական միջոցառում, համատեղ հանգիստ, թե պարզապես բակի առօրյա շփում։
Միևնույն ժամանակ, համայնքը շարունակում է կրել այն պատկերացումերը, որոնք ձևավորվել են տարիների ընթացքում։ Սակայն Նուբարաշենի այսօրվա կյանքը ցույց է տալիս, որ այն շատ ավելի բազմաշերտ է, քան հաճախ ներկայացվում է։
Նոր կառուցվող պուրակի նախագիծը
Նուբարաշեն համայնքում տեղադրված է նաև Նուբար փաշայի կիսանդրին։ Համայնքում կա փողոց, որը նախկինում հայտնի էր որպես 13-րդ փողոց, սակայն այժմ այն կոչվում է <<Նոր Զմյուռնիայի>> փողոց։ Զմյուռնիան այն քաղաքն է, որտեղ ապրել է Պողոս Նուբար Փաշայի գերդաստանը, և հենց նրանց հիշատակին էլ որոշվել է այդ փողոցը անվանել <<Նոր Զմյուռնիայի>> փողոց։
Առօրյան Նուբարաշենում
Իրականացրել ենք նաև առցանց հարցում, հասկանալու համար, թե ինչ պատկերացում ունեն Նուբարաշենի մասին այն մարդիկ, որոնք չեն բնակվում համայնքում:
Նուբարաշենը եղել է ու կա <<Հույսի>> համայնք