Ներառական բարձրագույն կրթությունը, որը միտված է ապահովելու հավասար իրավունքներ և պայմաններ բոլոր ուսանողների համար՝ անկախ նրանց սոցիալական, ֆիզիկական, զգայական կամ մտավոր վիճակից, Հայաստանում դեռ պայքարում է իր լիարժեք տեղն ունենալու համար։ Թեև կրթության ռազմավարական փաստաթղթերում ներառականությունն արդեն հստակ ընդգծվում է որպես առաջնահերթություն, բուհերի առօրյան դեռ լի է չլուծված խնդիրներով՝ մատչելիության սահմանափակումներից մինչև դասախոսական, վարչական անձնակազմի բավարար պատրաստվածության բացակայություն։